SKANDAL / Maturantët ende në provim, por teza e matematikës qarkullon në rrjete sociale

Teksa është trumbetuar se nuk do të lejohen kopjet, se mësuesit do të penalizohen nëse do të kapen duke ndihmuar nxënësit apo se nuk do të lejohet që nxënësit të hyjnë në provim me aparate teknologjike të tipit smartfonë, krejt e kundërta duket se po ndodh.

Nxënësit jo vetëm që janë futur me pajisje teknologjike, por edhe po ndihmohen. Ata kanë dërguar pranë redaksisë së JOQ.al një version të tezës që po punojnë. Bëhet fjalë për versionin A dhe në fund të faqes mund të lexoni edhe datën e provimit, pra ditën e sotme, 15 qershor 2017.