Spiropali, Bashës: E ke humbur mundësinë e replikës nga shumica, po të lë në hallin tënd!

Ministrja e Shtetit për Marrëdhëniet me Parlamentin, Elisa Spiropali i është përgjigjur kryedemokratit Lulzim Basha në Kuvend duke i thënë se e ka humbur mundësinë e replikës nga mazhoranca për shkak të situatës në PD.

Spiropali thotë se kacafytja e shëmtuar mes dy hijeve politike, për të cilën i referohet Bashës e Berishës, e kanë futur opozitën në vallen e marrëzive.

“Në kushtet e humbjes së legjitimitetit të të gjithë PD dhe të një kacafytje të shëmtuar mes dy hijeve politike që e kanë futur opozitën në vallen e marrëzive, ju Basha e keni humbur mundësinë e një replike nga ana e kësaj shumice. Duke ju lënë në hallin tuaj, po kthehem në çështjen e vërtetë”, tha Spiropali.