Thasë me kanabis drejt Maqedonisë, arrestohet 25-vjeçari në Tushemisht

Një i ri nga Shqipëria është arrestuar nga policia shqiptare pasi tentoi të trafikonte një sasi kanabisi drejt Maqedonisë përmes kufirit këmbësor.

Bexhet Hoxhallari u kap mbi fshatin Guras të Tushemishtit duke transportuar 7.2 kg kanabis të fshehur në thasë.

Lënda narkotike ishte e ndarë në tre pako, të cilat u sekuestruan nha policia.

Materialet i kaluan Prokurorisë së Krimeve të Rënda në Tiranë për veprime të mëtejshme.