Ish-presidenti Bamir Topi ka komentuar zhvillimet brenda PD-së dhe rikthimin në krye të saj të Sali Berisha, duke u ndalur te koncepti i “ripërtëritjes” së partive politike. I pyetur nga Nikoll Lesi për idenë e ripërtëritjes së strukturave të Partisë Demokratike, Topi tha se termi përdoret në mënyrë të përsëritur në politikën shqiptare, por sipas tij është kthyer në një “perifrazim të rilindjes” dhe nuk sjell ndryshim real. ”Ripërtëritje, rilindje është një perifrazim. E kanë konsumuar terminologjinë dhe imitojnë njëri-tjetrin”,-u shpreh ai.
Pjesë nga biseda
Lesi: Zoti Topi vijmë te Partia Demokratike, te zoti Berisha që sapo u rizgjodh dhe ka hedhur idenë e ripërtritjes, por po e ripërterin të gjithë strukturat. Termi ripërteritje nënkupton nga qeliza bazë deri në kryetarin e partisë apo vetëm deri te kryetari i partisë ripërterihet partia?
Topi: Kjo është një perifrazim i rilindjes. Ripërtëritje, rilindje është është një perifrazim. Ata i kanë konsumuar edhe terminologjinë sipas mendimit tim, e kanë zaruruar dhe imitojnë njëri-tjetrin. Janë një varkë. Ato janë produkt i të njëjtit sistem. Njëri ka ardhur nga një familje e varfër fshatare e kohës së komunizmit dhe sekretar partie.
Lesi: Kush?
Topi: Sali Berisha. Të dy janë. Pra. Tjetri vjen si një produkt i një familje intelektuale qytetare me prejardhje komuniste dhe sot ky është paradoksi i madh. Ky është paradoksi mbas 35-36 vitesh, kemi prapë këta të dy. Nuk është më pak Edi Rama, ka ardhur në 98-ën dhe ti e mban mend shumë mirë. Po nga 98 deri deri më sot tha janë 28 vjet. Nuk është pak.