VIDEO/ Një vajzë hyn me lot dhe ulërima në urgjencën e Durrësit, asnjë nuk ia var

Mbrëmjen e djeshme një vajzë në moshë të re ka shkuar me urgjencë në spitalin e Durrësit. Kanë qenë qytetarët e tjerë ata që e kanë akomoduar dhe e kanë ulur në një prej stolave që ndodhen në hyrje të spitalit, ndërsa vajza nuk duket tërësisht e ndërgjegjshme.

Siç raporton një prej mesazhdërguesve që ka sjellë pamjet filmike pranë JOQ.al, e reja dyshohej të ishte nën efektin e narkotikëve apo të alkoolit. Ajo qante, ulëriste, bërtiste, duke shkaktuar frikë e panik edhe tek të pranishmit e tjerë.

Herë pas here thoshte se kishte dhimbje të mëdha, por asnjë prej infermierëve apo mjekëve, të cilët i kalonin edhe afër, nuk e merrnin mundimin t’i jepnin ndihmën e parë.

Ose të paktën ta qetësonin që të mos shqetësonte edhe pacientët e tjerë, të cilët kishin shkuar për probleme nga më të ndryshmet në klinikë.

Sipas mesazhdërguesit, e reja tenton edhe të largohet shumë herë nga spitali, duke rrezikuar kështu shëndetin e saj, por edhe të tjerët përreth. Ajo kishte shenja dhune në trup e dukej që dikush e kishte rrahur.

Askush nga stafi mjekësor nuk e ndalon. Të vetmit që bëjnë diçka për të janë qytetarët e thjeshtë që ndodhen aty për momentin.