Vjedhje me armë në Zvicër, arrestohet 25-vjeçari kosovar në Morinë

Policia ka arrestuar në Morinë një 25-vjeçar i cili është shpallur në kërkim ndërkombëtar nga Interpol Bern/ Zvicër.

Burime zyrtare nga policia e Kukësit bënë me dije se në pranga ra Benjamin A., banues në Kunushec të Kosovës.

I riu u kap në hyrje të pikës Kufitare të Morinës, ku gjatë regjistrimit në sistem, rezultoi “shtetas i shpallur në kërkim ndërkombëtar”.

Gjykata e Supreme e Kantonit të Solothurn të Zvicrës, më datë 20.03.2017, ka vendosur ndaj tij masën e sigurisë “Arrest me burg” për veprën penale “Vjedhje me armë”.

Materialet i kaluan Prokurorisë së Rrethit Gjyqësor Kukës, për veprime të mëtejshme