Votat e Kokëdhimës do kalojnë në favor të LSI

Gazetari Enton Abilekaj i ftuar në “Arena” në Ora News, duke folur për betejën zgjedhore në jug të Shqipërisë, tha se në Sarandë mund të ketë çarje të votave për Partinë Socialiste për shkak të Koço Kokëdhimës.

Abilekaj: Himara është një zonë që vërtetë ka votuar majtas. E djathta aty ka rënë. Himara besoj do të kalojë akoma më majtas. Në zonat e Sarandës do të ketë edhe një çarje, pasi kemi një kryetare bashkie të vendosur nga Koço Kokëdhima.

Hila: Mendoni se mund të krijojë një bllok të vetin votash?

Abilekaj: Sigurisht! Kryetarja e Bashkisë është një njeri i Koço Kokëdhimës, është tek Zgjidhja e Koço Kokëdhimës.

Nuk mendoj se Koçoja përfaqësohet me Floriana Kokën, por nuk është vetëm ajo njeri i Koços. Ajo është përfaqësuesja e atyre që mbështesin Koço Kokëdhimën. Mendoj se kjo do të kalojë në favor të LSI-së.