Vrasja e Komisarit Artan Cuku, Prokurori zbardh dëshminë e Shallarit në polici

Prokurori i dosjes së vrasjes së Artan Cukut ka zbardhur disa detaje të rëndësishme në lidhje me autorin e arrestuar, Mikel Shallari.

I pranishëm në konferencën për mediat, prokurori i dosjes ka treguar se Shallari është ideatori i vrasjes së Artan Cukut, por sipas tij, ai e mohon këtë gjë.

“Ne i kemi treguar provat, ai vazhdon që të mohojë pjesëmarrjen në krim”, është shprehur prokurori, i cili ka treguar se ka bërë dy seanca pyetjesh me Shallarin.

Prokurori ka treguar se ka prova të pakundërshtueshme se Mikel Shallari është autor i vrasjes dhe sipas tij motivi dyshohet se është çështje personale.

Ndërkaq Mikel Shallari është me precedentë kriminalë dhe i arrestuar më parë jashtë Shqipërisë, në Zvicër.