Ministria e Brendshme ka hartuar një projektligj, të hedhur për konsultim publik, që parashikon rikuperimin e aseteve me burim kriminal.
Taulant Balla deklaroi se për mirëfunksionimin e zyrës, do të merret përvoja e autoriteteve ligjzbatuese rumune.
Balla priti Ministren e Drejtësisë së Rumanisë, Alina Gorghiu, e pas takimit me të theksoi se ranë dakord të marrin eksperiencën e tyre lidhur me ngritjen dhe forcimin e Zyrës së Rikuperimit të Aseteve të fshehura nga krimi i organizuar dhe korrupsioni.
“Marrëdhëniet mes Shqipërisë dhe Rumanisë janë të forta, ato bazohen në lidhje të forta historike”, nënvizoi ministri i Brendshëm.
