Bie numri i infektimeve me Covid-19 në 24 orët e fundit në Itali

Situata nga Covid-19, po shkon drejt përmirësimit në Itali.  Në buletinin e Ministrisë së Shëndetësisë mësohet se gjatë 24 orëve të fundit 8 mijë persona rezultuan pozitivë me Covid-19 nga 287 mijë testime të kryera.

201 persona të tjerë humbën jetën për ta çuar bilancin total të fataliteteve që nga nisja e pandemisë në 123 745. Lajmi i mirë vjen nga spitalet ku numri i personave që kërkojnë trajtim më të specializuar, gjithashtu ka pësuar ulje.