Clinton: Të shkatërrojmë Sirinë për Izraelin?!

Një tjetër e-mail i zbuluar ditët e fundit konfirmon se si Hillary Clinton orientoi presidentin Barack Obama të orkestronte një luftë civile në Siri për t’u shërbyer interesave gjeopolitike të Izraelit.

Dokumenti i ri i bërë publik citon Clinton si sekretare e shtetit se “një luftë në Siri për të rrëzuar presidentin Bashar al Asad është mënyra më e mirë për të ndihmuar Izraelin”.

Dokumenti është një prej të shumtëve të vjedhura nga llogaria e Clinton gjatë kohës që punonte si Sekretare e Shtetit në vitet 2009 – 2013.

Dokumenti ka një gabim në datë pasi thuhet se ai është dërguar në 31 dhjetor 2000, por flet për negociatat e Stambollit të mahit 2012 që do të thotë se ai është dërguar realisht në 31 dhjetor 2012. Ky dokument vërteton politikat e ndjekura nga SHBA për të rrëzuar Bashar al Asad me dhunë dhe kjo për të ndihmuar Izraelin.

“Mënyra më e mirë për të ndihmuar Izraelin të arrijë një marrëveshje me Iranin për çështjen e armëve bërthamore është nëpërmjet popullit të Sirisë për të rrëzuar regjimin e Bashar Assad”, shkruan Clinton, citon lapsi.al.

Sipas saj, Izraeli duhet të jetë i vetmi vend i lindjes së mesme që duhet të ketë bombë bërthamore.

“Nëse lejojmë Iranin të disponojë bombën bërthamore, atëherë edhe Siria apo edhe kundërshtarë të tjerë të Izraelit si Arabia Saudite apo Egjipti do të kërkonin të armatoseshin me armë nukleare gjithashtu duke kërcënuar interesat e Izraelit”, shkruan ajo.

“Programi bërthamor i Iranit dhe lufta civile në Siri duken si pa lidhje me njëra tjetrën por në fakt janë. Ajo që e shqetëson më shumë Izraelin, dhe që nuk ka mundësi ta shprehë është humbja e monopolit të armëve bërthamore. Nëse Izraeli e humb këtë monopol, bëhet i parrezikshëm për kundërshtarët në rajon. Nëse Irani prodhon armën bërthamore nuk e ka të vështirë të thërrasë aleatët e saj të Hezbollahut në Siri për të sulmuar Izraelin”, shton Clinton.

Ajo e mbyll me një konkluzion se sulmi i drejtpërdrejtë nuk do të ishte në interes të SHBA dhe Izrael. Sipas Clinton fundi i regjimit të Asad do të mbyllte edhe një aleancë të së keqes dhe për këtë ai nuk duhet mbështetur.