“Çmenduria” e britanikëve, a po gabojnë si italianët?!

Një ndër arsyet e përhapjes me shpejtësi të koronavirusit në Itali është komentuar se ka qenë edhe mosrespektimi i masave në ditët e para nga të rinjtë, të cilët vijuan jetën e tyre duke frekuentuar lokalet e natës.

Gabimi i italianëve duket se tashmë po përsëritet edhe nga britanikët, të cilët vijojnë të frekuentojnë lokalet e natës, pavarësisht rrezikut nga koronavirusi.

Ndërkohë, reagime të ashpra ka pasur edhe ndaj Tim Martin, drejtorit të përgjithshëm të “JD Wetherspoon”, një rrjeti pub-esh e lokalesh në Britani. Ai nuk ka pranuar të mbyllë biznesin e tij, duke thënë se mjafton që klientët të respektonin distancat dhe të uleshin në tavolina të ndara.