DASH do të merret me rastin e hakërimit të WhatsApp

WhatsApp tha se sulmi i hakerëve në aplikacionin WhatsApp do t’i lihet Departamentit amerikan të Drejtësisë. WhatsApp përdor rreth një miliard njerëz në muaj, dhe kompania mburret me sigurinë e aplikimit, raporton Reuters.

Një zëdhënëse e kompanisë tha se sulmi ishte shumë i komplikuar dhe se mban të gjitha shenjat e një kompanie private që bashkëpunon me qeveritë në fushën e mbikëqyrjes.
Facebook, që zotëron WhatsApp, paralajmëroi sot përdoruesit duhet të përditësojnë versionin më të fundit, pasi është e mundur që pa njohurinë e tyre janë instaluar spiunues në aplikacion.

Spyware i zhvilluar nga “hakerët e avancuar” tani është “futur” në disa telefona mobil përmes programit popullor të komunikimit WhatsApp, pa ndërhyrjen e përdoruesit përmes thirrjeve me zë në aplikacion.

Financial Times ka identifikuar grupin izraelit NSO si një haker potencial në këtë rast, njoftoi AP. Softueri spyware i NSO është zbuluar më shumë se një herë në hakerimin e gazetarëve, avokatëve, mbrojtësve të të drejtave të njeriut dhe disidentëve.

Programi arriti të depërtojë në telefon nëpërmjet thirrjeve të humbura përmes funksionit të thirrjes zanore të aplikacionit, tha zëdhënësi i WhatsApp dhe shtoi se programi i zbuluar në fillim të majit kishte infektuar një numër të panjohur pajisjesh.

Supozohet se përdoruesi nuk ishte në gjendje ta mbrojë veten dhe sipas ekspertëve, e vetmja mënyrë për të mbrojtur në këtë rast ishte nëse aplikacioni WhatsApp nuk do të ishte i instaluar në telefonin e përdoruesit.

Më e rëndësishmja, spyware ishte përfshirë në vrasjen e gazetarit saudit Jamal Khashoggi, i cili u vra në një konsullatë saudite në Stamboll vitin e kaluar dhe trupi i të cilit nuk u gjet kurrë.