Debati i dytë presidencial mes Clinton dhe Trump

Kandidatja demokrate për presidente të Shteteve të Bashkuara, Hillary Clinton, e ka fituar debatin e dytë presidencial, kundër rivalit të vet republikan, Donald Trump, sipas një sondazhi të CNN-it.

Sipas këtij sondazhi, 57% e njerëzve ndiejnë se Hillary e ka fituar debatin, krahasuar me 34% të të anketuarve të tjerë që besojnë se Trump ka përformuar më mirë.

Një sondazh tjetër nga YouGov, gjeti se 47% e të anketuarve thanë se Hillary e ka fituar debatin, ndërsa 42% menduan se Trump ishte fituesi.

Në mesin e njerëzve, të cilët më parë kishin qenë të pavendosur se për kë të votojnë, Hillary fitoi ngushtë me 44%, ndërsa Trump mori vetëm 41%.