Emri/ “Jam slloven”, shqiptari paguan 10 mijë euro për dokumente false, por ja si e pëson

Një shqiptar ka pranuar të paguajë 10 mijë euro për dokumente false sllovene, duke e ditur se ata nuk janë origjinale.

Nerim Trezhnjea prodhoi patentë dhe letërnjoftim të shoferit të rremë, me emrin Nerim Isati, kur u ndalua nga policia në një automjet në Polam Road, Darlington. Kur u kap nga policia, Trezhnjea ka pranuar se dokumentet që posedonte ishin false, shkruajnë mediat britanike.

Paul Abrahams, prokuror britanik deklaroi se i dyshuari është i njohur për autoritetet në Francë, ku ai ka një proces të veprave penale duke përfshirë vjedhjen, vjedhjen e rënduar dhe posedimin e një thike.

I pandehuri 24-vjeçar do të mbetet në paraburgim deri në seancën dëgjimore të dënimit, më 29 nëntor.