Gjatë një sulmi terrorist në Mali, xhihadistët e lidhur me Al Qaidan kanë vrarë 54 ushtarë

Qeveria e Malit, ka bërë të ditur se si pjesë e një sulmi terrorist, janë vrarë 54 ushtarë që ishin në krye të detyrës në pjesën lindore.

Ky sulm, vjen disa ditë pasi të njëjtit xhihdistë të lidhur me Al Qaidan, i kanë vrarë 15 ushtarë në regjionin Menaka, transmeton KohaJone.

Dhuna e re pritet të rritë edhe më tej tensionet në kryeqytetin Bamako, ku familjet e ushtarëve kanë protestuar nëpër rrugë.

Të afërmit thonë se ushtarët nuk po mbrohen në mënyrë të duhur, ndërsa po përballen me sulme nga grupe të ndryshme xhihadistësh.

Sulmet e ditës së djeshme, erdhën afro një muaj pas vrasjes së 41 ushtarëve dhe zhdukjes së 20 të tjerëve, derisa po merrnin pjesë në një betejë kundër terrorizmit.