Gjenerali serb: Do të dërgojë trupat ushtarake në Kosovë

Gjenerali i ushtrisë së Serbisë, Milan Mojsiloviç thotë se nuk e përjashton mundësinë e ndërhyrjes brenda territorit të Kosovës, kjo nëse do të ketë veprime të forcës së saj të sigurisë në veri të vendit.

“Mendojmë se ka gjasa që forcat e sigurisë në Kosovë të bëjnë veprime të një anshme dhe në mënyrë disproporcionale për të arritur disa pika në terren”, ka thënë Mojsiloviç i cituar nga mediet në Kosovë. Ai u shpreh më tej se bazuar në rezolutën 1244 dhe Marrëveshjen e Kumanovës “forcat e KFOR-it janë të vetmet forca ligjore në Kosovë”.

Po ashtu ai foli për rritjen e pranisë së ushtrisë serbe në afërsi të vijave kufitare me Republikën e Kosovës. ”Ju e keni parë vendosjen e forcave për reagim të shpejtë të Forcave të Armatosura”.