Gruaja e Kryeministrit kanadez del me koronavirus, Trudeau izolohet në shtëpi me 3 fëmijët

Sohie Gregoire Trudeau, gruaja e Kryeministrit të Kanadasë, Justin Trudeau, ka rezultuar pozitive me koronavirus, njoftoi zyra e Kryeministrit me anë të një deklarate të premten në darkë.

“Ajo ndjehet mirë, po merr të gjitha masat e rekomanduara dhe simptomat e saj janë të lehta”thuhet në deklaratë, sipas New York Times.

Më herët gjatë së premtes, z. Trudeau njoftoi se ai dhe zonja e tij me tre fëmijët e tij ishin izoluar vullnetarisht në rezidencën e Kryeministrit në Ottawa ndërkohë që prisnin përgjigjen e analizës.

Z. Trudeau vazhdoi t’i kryejë shumicën e detyrave të tij megjithëse shumica e takimeve të tij ishin konferenca dhe mungoi në Dhomën e Komuneve. Ai foli me disa liderë botërorë gjatë ditës, përfshirë Presidentin Trump.

Sipas këshillave të mjekëve, z. Trudeau do të vazhdojë të punojë nga shtëpia për 14 ditët në vazhdim u tha në deklaratë, megjithëse ai nuk ka shfaqur shenja dhe mjekët nuk e kanë testuar për koronavirus.

Më herët u tha nga qeveria se zonja Trudeau u ndje e sëmurë pasi u kthye nga një udhëtim në Britani. Doktorët vendosën që ajo të bënte analizën për koronavirus të mërkurën pasi pati një temperaturë të lehtë, që i ka kaluar.