Ikën nga lufta në Izrael, humbin jetën tragjikisht nga rrëzimi i teleferikut në Itali

Ata sapo ishin kthyer në Itali dhe vdiqën gjatë tragjedisë, ku një kabinë teleferiku u rrëzua pranë liqenit Maggiore. Sipas ”Il Giornaliere”, Amit dhe Tal vdiqën në tragjedinë e Mottarone, pak pasi ishin kthyer në Itali nga Izraeli, vendi i tyre i origjinës.

Ata ishin arratisur nga lufta, nga vdekja, nga raketat në përpjekje për të shpëtuar dhe të dielën e 23 majit ata kishin vendosur të bënin një udhëtim në male. Por fatkeqësisht ky do të ishte udhëtimi i tyre i fundit.

Amit Biran, 30-vjeç, i cili u zhvendos në Pavia në 2018 për të studiuar mjekësi, gruaja e tij, Tal Peleg 27-vjeçar dhe djali i tyre 2-vjeçar, Tom, i lindur në Itali, ku çifti i ri kishte vendosur të jetonte. Së bashku me ta edhe dy anëtarë të familjes që kishin ardhur për t’i vizituar nga Izraeli. Vetëm 5-vjeçari mbijetoi, por po lufton mes jetës dhe vdekjes.

Gruaja e Amit, Tal, ishte me origjinë nga Tel Aviv, dhe ata shpesh ktheheshin në vendin e tyre për të vizituar të afërmit. Herën e fundit ishin anëtarët e familjes që ishin bashkuar me ta. Të gjithë së bashku, duke shpresuar të harrojmë luftën, raketat dhe të gjithë të vdekurit të paktën për një moment u nisën për fundjavë. Barbara Cohen Koninsky, 71 vjeç dhe Itshak Cohen, 82 vjeç, gjithashtu humbën jetën në atë teleferik, por marrëdhënia me çiftin është ende e panjohur.