Konflikti Izrael-Palestinë më i rëndë që nga 2014-ta

Hady Amr do të marrë pjesë në bisedime mes Izraelit, Palestinës dhe zyrtarëve të Kombeve të Bashkuara dhe do të përforcojë atë që diplomatët amerikanë thanë se ishte nevoja për një “qetësi të qëndrueshme”, raporton BBC.

Një sulm ajror izraelit në një kamp refugjatësh në Rripin e Gazës vrau 10 njerëz të Shtunën, ndërsa një raketë Palestineze vrau një burrë në Izrael. Dhuna e kësaj jave në Gaza dhe Izrael është më e keqja që nga viti 2014.

CFARE BISEDUAN BIDEN DHE NETANJAHU

Presidenti i SHBA Joe Biden zhvilloi një bisedë telefonike me Kryeministrin e Izraelit Benjamin Netanjahu dhe Presidentin Palestinez Mahmoud Abbas.

Sipas mediave, Biden i shprehu shqetësimet Netanjahut në lidhje me viktimat civile në Gaza dhe bombardimet e ndërtesës që strehonte zyrat e dy mediave, Associated Press dhe Al Jazeera.

Ndërkohë Zyra e kryeministrit izraelit beri te ditur se Netanyahu i tha Biden se Izraeli po bën më të mirën për të shmangur shënjestrimin e civilëve dhe pretendoi se ndërtesa me zyra mediatike gjithashtu strehonte objektet ushtarake të Hamasit.