Lëvizja surprizë nga 22-vjeçarja, ja çfarë bën zv/kryetarja e Parlamentit në Bjellorusi

Në një kohë që situata në Bjellorusi nuk është aspak e qetë, në mënyrë të papritur, zv/kryetarja e Parlamentit, 22-vjeçarja Maria Vasilevich, e shoqëruar nga disa deputetë të partisë në pushtet ka vizituar të plagosurit opozitarë nëpër spitale.

Ajo u kërkoi falje protestuesve të plagosur dhe të rrahur brutalisht nga policia dhe të shtruar në spitalin e urgjencës në Minsk. Disa nga protestuesit i thanë se hasën probleme për të kryer një ekzaminim mjeko-ligjor në spitale. ”Si një zyrtare qeveritare edhe pse unë nuk kisha autorizim ta bëj këtë, u kërkova falje njerëzve për dëmtimet që u janë shkaktuar. Njerëzisht ndihem shumë, shumë keq”.

Vasilevich është aktualisht bashkëpunëtorja kryesore e presidentit Lukashenko, janë shtuar shpresat se ajo do të ndikojë në qetësimin e situatës dhe uljen e palëve në dialog. Presidenti 65-vjeçar dyshohet se ka një lidhje jashtëmartesore me të.