Londër, shtyhen zgjedhjet lokale për shkak të koronavirusit

Qeveria britanike vendosi sot shtyrjen me një vit të zgjedhjeve lokale, përfshirë dhe Londrën, për shkak të frikës së përhapjes së koronavirusit.

“Ne do të vendosim për shtyrjen e zgjedhjeve lokale (…) deri në maj të vitit të ardhshëm”, theksoi një zëdhënës në një komunikatë.

Këto zgjedhje zhvillohen çdo vit në maj dhe përfshijnë vetëm një pjesë të bashkive, çdo katër vjet.