Luftë e Tretë? SHBA sjell 1,600 tanke në Europë për të “penguar” Rusinë

Prania e NATO-s në Europë ka arritur një rekord të lartë pasi SHBA ra dakord të sjellë 1.600 tanke në Holandë për shkak të frikës të Luftës së Ftohtë. Rritja e tensioneve në Europë ka bërë që SHBA të dërgojnë një grup të madh të pajisjeve ushtarake në Europë në një përpjekje për të “penguar” Rusinë.

Tanket do të ruhen në një fshat juglindor të Hollandës, e cila u hap fillimisht në vitin 1985 për të lejuar trupat amerikane për të ushtruar stërvitje në rast të një pushtimi të mundshëm sovjetik. Planet për të hapur më shumë vende të magazinimit në Poloni, Belgjikë dhe Gjermani kanë vënë gjithashtu përpara një skemë prej 2.7billion dollar, skemë për të rritur praninë e NATO-s në Europë.

NATO-ja ka filluar forcimin e mbrojtjes europiane pas frikës të “agresionit rus” ndaj shtetet baltike. General Tom Middendorp, shefi holandez i Mbrojtjes, ka thënë: “Gjatë vizitës në shtetet baltike, kam përjetuar sfidën më të madhe në jetën time. Duke qëndruar aty, në afërsi të kufirit rus, ju mund të ndjeni atmosferën e tensionuar”.

Ai shtoi: “Aktivitetet ushtarake ruse nuk janë vetëm një shqetësim për aleatët tanë lindore, ato janë një shqetësim për të gjithë ne. Ne jemi duke marrë masa proporcionale dhe të matura për të mbrojtur aleancën tonë. Ne duam të sigurohemi që jemi duke dërguar një sinjal të qartë në Rusi se ne nuk do të pranojë asnjë shkelje të integritetit territorial të NATO-s”.

Vendimi për të transportuar tanket amerikane në Europë vjen pasi ministri polak i mbrojtjes Antoni Maciereëicz njoftoi planet për të dërguar 4000 trupa amerikan në qytetin perëndimor të Żagań në vitin e ri.

Muajin e kaluar, Gjermania ka marrë 600 kontenierë të municioneve nga SHBA, dërgesën më të madh në më shumë se 20 vjet. Tensionet mes NATO-s dhe Rusisë janë rritur ndjeshëm në muajt e fundit, edhe pse të dy fuqitë janë të vendosura për të mbajtur bisedime të hënën në një përpjekje për të rivendosur marrëdhëniet.

Përshtati: Redjon Shtylla