Majmuni i zgjuar mpreh gurin dhe thyen xhamin mbrojtës të kopshtit zoologjik

Një majmun është filmuar duke goditur dritaren e kopshtit zoologjik me një gur shkëmbor, në një tentativë për t’u arratisur.

Në videon e bërë virale në rrjet, kafsha u tregua tepër e zgjuar duke mprehur gurin përpara se të godiste xhamin mbrojtës.

Ngjarja e pazakontë ka ndodhur në kopshtin zoologjik Zhengzhou në Provincën Henan të Kinës në 20 gusht.

Vizitorët mbetën të befasuar kur majmuni theu xhamin me gurin që kishte mprehur, pasi e goditi disa herë.

Incidenti mund të ketë frikësuar mjaft turistë që ishin prezentë, por majmuni i vogël u largua në drejtim të kundërt.

Teksa kujton ngjarjen, një turiste tha:

Majmuni po mprehte gurin, pastaj filloi ta godasë xhamin.”

Anëtari i stafit të kopshtit zoologjik të Zhengzhou, Tian Shuliao u tha mediave lokale:

Ky majmun është ndryshe nga të tjerët. Ai di të përdorë mjete për të thyer arrat. Por kurrë më parë nuk e kishte goditur xhamin. Kjo është hera e parë që e kryen një veprim të tillë. Pas asaj që ndodhi, ne i morëm të gjithë gurët që ai mbante për të thyer arrat.”