Me shkollë 8-vjeçare por bëhet ministre e Bujqësisë

Në mediat sociale, kanë plasur komentet indinjuese të atyre që konsiderojnë Teresa Bellanova, ministren e re për Politikat Bujqësore, të qeverisë Conte Bis, si të papërshtatshme për rolin për të cilin u emërua, pasi ajo ka vetëm shkollën 8-vjeçare si arsimim.

Bellanova ishte një punëtore e thjeshtë dhe luftoi si sindikaliste për të mbrojtur të drejtat e saj. Në fakt në rolet qeveritare ajo nuk është një fytyrë e re, pasi ajo ka qenë nënsekretare e Punës në qeverinë Renzi dhe zv /ministre e zhvillimit ekonomik me Gentiloni.

Duket se e gjithë Partia Demokratike është mobilizuar për ta mbrojtur atë, duke filluar me sekretaren Nicola Zingaretti, e cila shkruajti një status mbështetës në Twitter, që u pasua nga sekretari Andrea Orlando: ”Krenar për Partinë Demokratike që solli në qeverinë e vendit një njeri të tillë”.

Bellanova është goditur nga polemika të shumta edhe për veshjen e zgjedhur për betimin në Quirinale. Por Enzo Miccio, stilisti i ngjarjeve dhe dasmave speciale shkruan në një status në twitter se fustani nuk kishte asgjë të papërshtatshme.