Ministria ruse e Mbrojtjes: Kemi vrarë dhjetëra mercenarë dhe ushtarë në Ukrainë

Rusia vijon që të godasë Ukrainën, dhe për Kremlinin, në Ukrainë ka edhe mercenarë nga vendet e Europës, ku akuzat e tyre nuk kanë lënë mënjanë as Shqipërinë.

Gjeneral Major Igor Konashenkov, një zëdhënës i ministrisë ruse të Mbrojtjes, thotë se më shumë se 100 trupa ukrainase dhe “mercenarë të huaj”, u vranë kur një raketë me precizion të lartë goditi një bazë ukrainase pranë Ovruch në Zhytomyr Oblast.

“Raketat e lëshuara nga ajri me precizion të lartë goditën qendrën e trajnimit për forcat e operacioneve speciale të forcave të armatosura ukrainase, ku ishin vendosur mercenarët e huaj që mbërritën në Ukrainë”.