Ndërron jetë në moshën 88 vjeçare mbreti “Rama IX” i Tajlandës 70 vite në fron

Bota E Diel, 2 Maj 2021 23:29

Ka ndërruar jetë në moshën 88-vjeçare në Bankok Mbreti i Tajlandës Bhumibol Adulyadej. Ai qëndronte në fron që prej 70 vitesh dhe njihej me emrin “Rama i nëntë” (Rama IX).

Sovrani vdiq në një spital të kryeqytetit, ku ishte shtruar prej ditësh për shkak të përkeqësimit të shëndetit. “Rama i Nëntë” është mbreti që ka qëndruar më gjatë në pushtet në gjithë botën.

Lajmi për vdekjen e mbretit ka prekur shumicën e qytetarëve tailandezë. Ata janë përkulur në shenjë respekti gjatë kryerjes së homazheve.

Në Tajlandë janë në fuqi ligjet më të ashpëra mbretërore në botë. Mjafton që të kritikosh sovranin që është në detyrë dhe përfundon në burg.