Njishi i botës në shah çuditet nga 16-vjeçari

Ka kampionë shahu, por ka edhe të ”jashtëzakonshëm”. Një 16-vjeçar nga India ka shtangur numrin 1 në botë Magnus Carlsen, duke e mundur në një sfidë shahu gjatë turneut “Airthings”. Rameshbabu Praggnanandhaa, ruajtu qetësinë pavarësisht moshës dhe përvojës së pakët dhe arriti të përfitonte nga gabimet e Carlsen.

Pavarësisht se pesë herë kampioni i botës u përpoq të rikthehej në garë, 16-vjeçari nuk i la hapësira dhe mori një prej fitoreve më të famshme. Indiani u bë lojtari më i ri që mund Carlsen që kur ai u bë kampion bote për herë të parë, në vitin 2013.

16-vjeçari është një prej talenteve më të mëdhenj të shahut. Në vitin 2016, ai u bë një prej mjeshtreve më të rinj në histori, në moshën 10-vjeçare, dhe shumë ekspertë kanë parashikuar një të ardhme të ndritur për të.