Pakistani dëbon vajzën e famshme avgane të “National Geographic”

Vajza afgane e përjetësuar në faqen kryesore të revistës “National Geographic”, do të dëbohet nga Pakistani, pas vuajtjes së dënimit me burg në kohëzgjatje prej 15 ditësh. Kështu ka vendosur sot një gjykatë në qytetin Peshavar në Pakistan.

Vajza me emrin Sharbat Gula, po ashtu, është gjobitur me afro 1,050 dollarë amerikanë. Gula, të cilën sytë e saj të gjelbër e bënë të famshme si refugjate fëmijë, ishte arrestuar në Peshavar më 26 tetor, e dyshuar se po jetonte me letra të falsifikuara të identitetit. Pas arrestimit, ajo ishte dërguar në spital për shkak të komplikacioneve shëndetësore. Avokati i saj, Mohsin Daëar, i tha Radios “Evropa e Lirë”, programi për Pakistanin, se klientja e saj e kishte pranuar fajësinë për të gjitha akuzat me të cilat ishte ngarkuar.

Dawar tha se asaj i kanë mbetur edhe katër ditë burg, e pastaj do të dëbohet nga Pakistani.