Pamjet e tmerrshme. Kryebashkiaken e tërheqin zvarrë dhe i presin flokët

Kryebashkiakja e një qyteti në Bolivi, Patricia Arce, është sulmuar nga protestues të cilët e kanë tërhequr zvarrë nëpër rrugë.

Gjithashtu ata e lyen me bojë të kuqe e më pas e prenë flokët.

Vetëm pas disa orësh e dorëzuan në polici.

Kjo vjen pas protestave masive që kanë përfshirë vendin që prej 20 tetorit në zgjedhjet presidenciale.

Ajo akuzohet se ka kërkuar masa radikale për parandalimin e protestës.

Të paktën 3 persona raportohen të vdekur nga e cila dhe vetë kryebashkiakja akuzohet se është përgjegjëse.

Rasti i dhunimit të kryebashkiakes nuk është i pari pasi kujtojmë që vetëm pak kohë më parë në një qytetë në Meksikë ndodh i njëjti incident.

Pasi morën kryetarin e fshatit të tyre me dhunë nga zyra, e lidhën në kamionçinë dhe e tërhoqën zvarrë në rrugë.

Policia ndërhyri për të liruar kryetarin Jorge Luis Escandon Hernandez, i cili nuk pësoi lëndime të mëdha.