Pas 10 djemve, çifti në Skoci më në fund bëhet me vajzë

Shpesh ka çifte që thonë se do të bëjnë 11 fëmijë, aq sa për një ekip futbolli, por për ta bërë realitet është shumë e vështirë. Gjithsesi një çift nga Ross-shire, në Skoci ia ka dalë që bëhet me 11 fëmijë, por misioni i tyre nuk ka qenë asnjëherë të plotësojë formacionin që do të hedhë në fushë, por Alexis and David Brett kanë dëshiruar gjithnjë të bëheshin me 1 vajzë.

Pas 10 fëmijëve meshkuj më në fund ëndrra e tyre është e realizuar me ardhjen në jetë të Cameron. Alexis u bë nënë për herë të pare në moshën 22-vjeçare, e përgjatë 15 viteve të tjera solli në jetë edhe 9 fëmijë.

Nuk është aspak e lehtë të menaxhosh një familje me 13 anëtarë, pasi vetëm në 1 javë prindërve u duhet të blejnë 16 bukë, 50 kuti me qumësht, qindra fruta, pa futur në llogari patatinat, çokollatat apo preferenca të tjera të fëmijëve.