Përplasen dy anije në detin Baltik

Dy anije mallrash janë përplasur ditën e sotme në detin Baltik, në brigjet e qytetit suedez të Ystad, sipas njoftimit të Administratës Detare Suedeze.

Jonas Franzen, kreu i komunikimeve në Administratën Detare Suedeze ka deklaruar për Deutsche Welle se ngjarja ka ndodhur në ujërat territoriale suedeze.

Është e paqartë se sa persona ishin në bordin e dy anijeve në momentin e përplasjes, por Franzen tha se ata besonin se një ekuipazh prej të paktën dy personash ka qënë në bordin e anijes së përmbysur.

Danezët dërguan një varkë dhe një helikopter shpëtimi nga ishulli Bornholm.

Njëra prej anijeve ishte 90 metra e gjatë dhe tjetra 55 metra, njoftoi agjencia suedeze TT, duke cituar zëdhënësin e rojes bregdetare suedeze.

Mediat raportojnë se përplasjet të tilla janë shumë të rralla në detin baltik.