Presidenti kolumbian merr Nobelin për Paqen

Çmimi Nobel për Paqen për vitin 2016 iu dha Presidentit të Kolumbisë, Juan Manuel Santos, për bëmat e tij për përfundimin e luftës në Kolumbi dhe lirimin e vendit nga grupet guerrile.

Emrat e të nominuarve për Nobel ishin mbajtur sekret për 50 vjet. Megjithatë, kjo nuk i ndaloi njerëzit t’i bëjnë nominimet e tyre politike, njofton CNN.

Disa nga të nominuarit për këtë vit thuhet se ishin kancelarja Angela Merkel, Papa Francis dhe grupi “Helmetat e Bardha”, të cilët bënë shumë për shpëtimin e civilëve në Siri gjatë kohës së luftës.

Këtë vit ka pasur 376 kandidatë për këtë çmim.