Putin do të vizitojë Turqinë

Presidenti i Rusisë Vladimir Putin, më 10 tetor do të vizitojë Turqinë, raporton Anadolu Agency (AA).

Yuri Ushakov, këshilltari i presidentit rus në deklaratën e tij për gazetarët, tha se Putin më 10 tetor në Stamboll do të takohet me presidentin e Turqisë, Recep Tayyip Erdoğan.

Ushakov gjithashtu theksoi se presidenti rus do të marrë pjesë në Kongresin Botëror të Energjisë i cili do të organizohet në Stamboll ku do të mbajë një fjalim.