Rebelët pro rusë përgatiten për luftë, thirrje për evakuime masive

Situata po ndizet, dhe lufta mund të nis avash-avash. Udhëheqësit pro rusë në Donetsk e Lugansk u kanë bërë thirrje popullsisë të largohen sa më parë nga këto zona në drejtim të Rusisë, pasi sipas tyre, forcat e Ukrainës kanë rritur ndjeshëm sulmet.

“Kur armiku bombardon, jeta e dhe shëndeti i qytetarëve tanë mund të jetë në rrezik. Prandaj, nga sot, 18 shkurt, po organizohet një evakuim masiv i popullsisë drejt Rusisë”, ka thënë Denis Pushilin, lideri i prorusëve në Donetsk.

Lideri i prorusëve në Lugansk, Leonid Pasechnik, ka thënë se forcat ukrainase kanë planifikuar të kryejnë sulme në rajonin që ai pretendon se drejton dhe u ka kërkuar banorëve që të largohen në Rusi sa më parë.