Rivalitet NATO-Rusi, anija luftarake ruse ankorohet në Korfuz (VIDEO)

Lëvizje të shumta të NATO-s dhe Rusisë po ndodhin në rajon.

Anija luftarake me teknologjinë më të përparuar të flotës Ruse “Admiral Grigorovich”, është ankoruar në brigjet e Korfuzit, përballë Shqipërisë.

Anija ka mbërritur në ishullin grek dje dhe do të qëndrojë deri të premten.

Mediat greke raportojnë se ankorimi i fregatës në Korfuz përkon me përvjetorin e Miqësisë Greqi-Rusi dhe 1000 vitet e pranisë ruse në Malin e Shenjtë në Greqi.