Shuhet shkrimtari i njohur Wilbur Smith

Shuhet në moshën 88-vjeçare shkrimtari i njohur Wilbur Smith. Autori i shumë veprave ndërroi jetë në shtëpinë e tij në Afrikën e Jugut të shtunën, pas një karriere dekadash të gjatë në krijimtari.

Smith u bë një emër i njohur me historitë e tij të aventurës rrëqethëse që çuan lexuesit nga ishujt tropikal në xhunglat e Afrikës dhe madje në Egjiptin e Lashtë si dhe në Luftën e Dytë Botërore.

Mjeshtri i padiskutueshëm dhe i paimitueshëm i shkrimit të aventurës, kanë mbërthyer lexuesit për më shumë se gjysmë shekulli, duke shitur mbi 140 milionë kopje në mbarë botën në më shumë se tridhjetë gjuhë.