Turqia goditet nga një sulm tjetër, ka të vrarë

Turqi është goditur sërish mëngjesit e sotëm nga një sulm me bomba, ku nga të dhënat e para dyshohet se disa persona kanë humbur jetën.

Një shpërthim i fuqishëm ka ndodhur në një autobus jashtë një universiteti në qytetin turk të Kayseri, duke lënë 25 persona të plagosur dhe një numër ende të panjohur të vdekur, raporton Reuters,

Mësohet se shënjestër e sulmit ka qenë një autobus që po transportonte ushtarë. Në momentin e shpërthimit, autobusi ndodhej pranë një kampusi universitar në qytetin e Kayserit.

Shpërthimi vjen një javë pasi 44 persona u vranë nga një sulm me bomba në Stamboll pranë stadiumit të Beshiktashit.