U përdhunua nga qindra burra, rasti i të miturës trondit Indinë

Një vajze nga Mumbai, e cila fillimisht u ngacmua nga babai i saj, më pas u martua në moshën 13-vjeçare me një dyzet vjeçar dhe për dy vite rresht i’u shit qindra klientëve. Historia tronditëse që ka zemëruar vendin dhe ka bërë bujë në media ka rihapur plagën e dhunës seksuale në vend.

“Ky është rasti më tragjik i përdhunimit në historinë tonë. Ajo vajzë torturohej çdo ditë”,- tha Yogita Bhayana, një aktiviste për të drejtat e grave, e cila kërkoi ndjekjen penale të policëve që ajo kishte kërkuar ndihmë, të cilët nuk e regjistruan denoncimin e saj kundër torturuesve.

Shpëtimi erdhi nga një takim me një punonjës social nga Komiteti për Mbrojtjen e të Miturve. Vajza sot është e sigurt, në një shtëpi të mbrojtur, ndërsa tetë burra kanë përfunduar në burg.