Vizita në zonën e konfliktit në Ukrainë, shpëtojnë nga sulmi me predha deputetët dhe gazetarët (VIDEO)

Një grup deputetësh ukrainas dhe gazetarë të huaj u detyruan të futen në një bunker për t’i shpëtuar bombardimeve të separatistëve në zonën e konfliktit në Donetsk këtë të shtunë.

Në një video të publikuar nga Reuters, shihet David Arakhamia, deputet i Partisë Shërbëtorët e Popullit, që ka pushtetin në Ukrainë, teksa strehohet në bunker bashkë me gazetarët e huaj.

Ai filmoi pamjet dramatike ku dëgjohen predhat kalibër 120 mm që bien pranë vendit ku po qëndron. Këto përplasje sporadike janë paralajmëruar nga Perëndimi në ditët e kaluara, sipas të cilëve ky është një plan i Putin për të fabrikuar një pretekst për të nisur sulmin ndaj Ukrainës.