Zelensky thirrje kompanisë Nestlé: Shkëpusni lidhjet me Rusinë

Presidenti ukrainas Volodymyr Zelensky, i bën thirrje kompanisë Nestlé për vazhdimin e marrëdhënieve të kompanisë zvicerane me Rusinë.

“Ushqim i mirë. Jetë e mirë. Ky është slogani i Nestlé. Kompania juaj që refuzon që të largohet nga Rusia. Tani kur ka kërcënime nga Rusia për vendet e tjera Europiane. Jo vetëm për ne. Kur ka edhe shantazh bërthamor nga Rusia”,-tha Zelensky.

“Nestlé”, kompania më e madhe në botë e ushqimeve dhe pijeve dhe prodhuesi i akullores Gerber, KitKat dhe Dreyer, u mbrojt duke theksuar se ka bërë ndryshime gjithëpërfshirëse që kur Rusia pushtoi Ukrainën.