Juristi Kreshnik Spahiu, ka komentuar marrjen në pyetje të kryebashkiakut të Erion Veliaj për 5 orë nga SPAK lidhur me hetimin pasuror. Spahiu thotë se Veliaj është pyetur nga SPAK për 4 bileta avioni në 2008, 2010, 2011.
Sipas Spahiut, kjo është komike në një kohë kur ish-kryeministri Sali Berisha nuk pyetet as për 4 të vrarë në 2011.
“Veliaj është pyetur për 4 bileta të vitit 2008, 2010, 2011. Sot prokurorisë i duken prova katër bileta të viti t2011, dhe jo 4 të vrarë në bulevard që ka bërë Berisha. Ky është dallimi mes Berishës dhe Veliajt. Për Berishën nuk guxon njeri t’ia konsiderojë 4 të vrarë, kanë 14 vite që kërkojnë një gëzhojë, thonë s’kemi gjetur gëzhojën. Të thërrasin për 4 bileta avioni kur duan të të fusin në sitën e drejtësisë, nuk po e mbroj. Berisha as dëshmitar nuk është thërritur, as si person si dijeni”, tha Spahiu, i ftuar në Report TV.
Spahiu thotë se Veliaj nuk është eksponenti që kontrollon politikën shqiptare.