Një kompani belge çokollatash është përshtatur me kohët që kanë ardhur duke vënë maska të bardha në lepujt e Pashkëve. Kurse tani po prodhon shiringa të mëdha çokollate, duke u përpjekur të ecë me trendin e ri të pandemisë koronavirus.
Ndërsa Belgjika intensifikon fushatën e saj të vaksinimit kundër Covid-19, Cocoatree po përpiqet të bëjë të sajën për të treguar përfitimet shëndetësore të çokollatës si një “vaksinë”.
“Është një simbol i shpresës dhe kjo është arsyeja pse vendosëm të prodhonim vaksinën e çokollatës”, tha Genevieve Trepant, themeluesi i kompanisë.
Cocoatree, me qendër në Lonzee, një fshat rreth 45 milje në jug të Brukselit, emërtoi shiringat me çokollatë “L’Atch’a Azteka”, një kombinim i tingullit të teshtitjes dhe konsumatorëve historikë të çokollatës Aztec.
“Një vaksinë çokollate ka shumë efekte pozitive,” shtoi Trepant. “Është një lloj antidepresivi. Ka dhe magnez. Çokollata në përgjithësi ka shumë përfitime, siç e dinë tërë njerëzit, dhe mbi të gjitha rrit moralin”, – shtoi ai. Në galeri shikoni fotot e këtyre çokollatave.