Një ngjarje e rëndë raportohet të ketë ndodhur në Rusi këtë të hënë. Sipas agjencisë së lajmeve Reuters një student i armatosur hapi zjarr në një universitet në qytetin rus Perm, duke vrarë pesë persona dhe duke plagosur gjashtë të tjerë, thanë autoritetet.
Personi i armatosur u arrestua menjëherë pas incidentit në Universitetin Shtetëror Perm, i vendosur rreth 1,300 kilometra (800 milje) në lindje të Moskës, tha një zëdhënës i universitetit dhe policia.
Pamjet video të mediave lokale nga vendi i ngjarjes tregojnë studentët që u hodhën nga dritaret e katit të parë për të shpëtuar nga ndërtesa.
Komiteti Hetues i Rusisë, agjencia që merret me hetimet për krime të mëdha, tha se personi i armatosur ishte identifikuar si student në universitet.
Rusia ka vendosur kufizime të rrepta sa i takon pronësisë së armëve të zjarrit për civilët, por disa kategori armësh janë në dispozicion për blerje për gjueti, vetëmbrojtje ose sport.
#BREAKING: Shooting reported at Russian university, harrowing footage shows students jumping out of windows to escape gunman
More: https://t.co/gV0sv3xUdE pic.twitter.com/bZYNG177yM
— RT (@RT_com) September 20, 2021