Në emisionin “Koha Jonë-Debat”, sekretari i përgjithshëm i PS-së, Blendi Klosi dhe gazetari Nikoll Lesi zhvilluan një përballje të drejtpërdrejtë mbi gjendjen e politikës shqiptare, ku në qendër ishte raporti mes pushtetit dhe opozitës.
Lesi ngriti shqetësimin për faktin se në kampin qeverisës ka ministra dhe ish-ministra të dënuar apo në burg, si dhe pyeti nëse dobësia e opozitës është arsyeja që PS vijon të qëndrojë në pushtet. Ai theksoi gjithashtu se një opozitë e fortë do ta bënte qeverisjen më të kujdesshme.
Në përgjigje, Klosi e zhvendosi debatin në historikun e ndarjeve të opozitës, duke përmendur periudhën 2003–2005 dhe zgjedhjet e vitit 2005, ku sipas tij e majta humbi ndonëse mori rreth 100 mijë vota diferencë ndaj Sali Berisha. Ai argumentoi se mungesa e organizimit të opozitës ka qenë faktor kyç në rezultate.
Pjesë nga biseda
Lesi: A është opozita që nuk ngjall frymëzim që ju të qëndroni në pushtet, sepse me gjithë këto skandale, se z.Klosi duhet ta pranojmë që keni ministra dhe ish-ministra në burg, kryetar bashkie po ashtu, duhet të ishit rrëzuar.
Klosi: I kthehemi 2003-2005, ku PS u nda, dhe ky është i vetmi moment që krijoi ndjesinë që PD mund të vijë në pushtet dhe pastaj u grupua kampi opozitar, por prap edhe në 2005, e majta fitoi me 100 mijë vota mbi Sali Berishën. Ne humbëm mandate nga mosorganizimi jonë fatal i zgjedhjeve të 2005.
Lesi: Këtë që po bën Berisha, duke mos marrë Agron Shehajn, Adriatik Lapajn, Arlind Qorrin, rrezikon të mos vijë në pushtet. Në qoftë se ka një opozitë të fortë, edhe pushteti është më i kujdesshëm.
Klosi: Në vitin 2025, më 11 Maj, PD prodhoi 4 parti. Nga 1 u bënë 4, brenda PD-së. Tani drejt 2027 po shkojnë duke krijuar edhe me një sigël të re, atë të Ervin Salianjit. PD vjen sot në ditën e saj më të keqe, nga pikëpamja e besimit të vet. Nuk kemi dëgjuar që të shprehen se në zgjedhjet lokale, nga 61 bashki, do të fitojmë 31. Kjo është gara. Dy parti garojnë. PD nuk ka një kandidat që të shkojnë në garën e ardhshme, dhe si mendon që do të bëhet ai kampi opozitar.
Lesi: Ju qëndroni në pushtet se keni një opozitë të shkatërruar!
Klosi: Jo, ne nuk themi që PS fiton 80% të votave. Ne në garën e fundit fituam 53%, dhe ne nuk morën nga 100 vota, 100. Nuk po themi që nuk ka opozitë. PS është super e organizuar, punon për Shqipërinë. Ne nuk kemi një premtim të vogël, kemi Integrimin e Shqipërisë në BE dhe kjo na bën neve që të jemi të fortë. Puna, produkti, ajo që i ofrojmë njerëzëve dhe kampi tjetër merret me ne.
(Për me tepër klikoni te Watch on Youtube)