Sukses për Kosovën në Festivalin e Filmit në Sarajevë, ku tre filma u vlerësuan me çmime. Protagonistët e filmit “Luaneshat e Kodrës”, Flaka Latifi, Era Balaj dhe Urata Shabani rrëmbyen trofenë Zemra e Sarajevës, për aktoren më të mirë. Norika Sefa, e cila interpreton në filmin “Në kërkim të Venerës”, mori çmim për promovimin e barazisë gjinore, ndërsa filmi pa vend u vlerësua me mirënjohjen e veçantë të jurisë. Në ceremoninë përmbyllëse të Festivalit që i mbajt të enjten në Teatrin e Sarajevës, u kurorëzua si fitues i çmimit kryesor për filmin më të mirë, drama austriake Great Freedom, i regjisorit Sebastian Meisea.
Festivali i Filmit në Sarajevë është eventi më i madh kinematografik në Ballkanin Perëndimor. 250 filma nga më shumë se 60 vende u shfaqën në edicionin e 27 të festivalit.
Një total prej 47 filmash garaun për çmimet “Zemra e Sarajevës”, 18 prodhime patën premierën ndërkombëtare, 1 europiane dhe 24 atë rajonale.
Vokalisti i grupit U2, Bono mori pjesë në festival si i ftuar nderi. Arti ka një vend të veçantë në kujtesën e popullit të Sarajevës pasi ka zhvilluar një koncert në shtetin e copëtuar nga luftërat, në 23 shtator të 1997.
