Kryetari i Bashkisë Shkodër, Benet Beci, ka njoftuar nisjen e punimeve për asfaltimin dhe sistemimin e zonës përreth sheshit të Universitetit, një ndër hapësirat më të rëndësishme në qytet.
Përmes një postimi në rrjetet sociale, Beci bëri të ditur se dita në Shkodër ka nisur me punë, duke theksuar se pas rehabilitimit të sheshit të Universitetit, ndërhyrjet po vijojnë në zonën përreth, përfshirë edhe hapësirat pranë Agjencisë Shtetërore të Kadastrës.
Sipas tij, këto punime synojnë të përmirësojnë funksionalitetin dhe pamjen e kësaj zone, duke plotësuar një tjetër investim në infrastrukturën urbane të qytetit.
