I ftuar këtë mbrëmje në ”Koha Jonë- Debat”, Ilir Alimehmeti ka sqaruar pozicionin e tij brenda Partisë Demokratike dhe mundësinë për të qenë kandidat për Bashkinë e Tiranës, në zgjedhjet lokale të vitit 2027.
Alimehmeti theksoi se angazhimi i tij në parti nuk është i ri, duke kujtuar se është bërë pjesë e Këshillit Kombëtar të Partia Demokratike e Shqipërisë në prill të vitit 2022, rol që vijon ta mbajë edhe sot.
I pyetur nga Nikoll Lesi nëse e sheh veten si kandidat për kryebashkiak, Alimehmeti u shpreh se vendimi nuk i takon individëve, por strukturave drejtuese të partisë.
Nikoll Lesi: Ke marrë pamjen e kryebashkiakut për pas 1 viti, apo je një nga militantët e selisë blu?
Ilir Alimehmeti: Rastësisht si sot para 4 viteve, në prill të 2022 hyra në PD si anëtar i Këshillit Kombëtar, ku edhe vazhdoj të jem. Në vjeshtën e vitit 2022 hyra në garën e primarëve për Bashkinë e Tiranës. Në të njëjta pozicione qëndrojmë edhe sot, në aspektin personal. Nga pikëpamja e vendimmarrjes, sesi dhe kush do të jenë kandidatët për 61 kandidatët do ta vendos kryesia e PD.
Nikoll Lesi: Po flasim për Tiranën.
Ilir Alimehmeti: Do ta vendosi Kryesia, do ta vendosi më pas partia se kë do. Mund të jetë edhe koalicion. Presim, është shumë paraprake.