Kryeministri Edi Rama ka komentuar për herë të parë raportin me Elisa Spiropalin, pas përplasjeve të fundit brenda Partisë Socialiste.
I pyetur gjatë intervistës me Nikollë Lesin në “Koha Jonë”, nëse Spiropali rrezikon masa brenda Partisë Socialiste, Rama u shpreh çdo njeri mund të gabojë dhe kush ka dhënë kontribute mund të gabojë dy herë, por nuk ka një të tretë.
Rama u përpoq të lërë të kuptohet se kontributet politike kanë peshë në vlerësimin e situatave të tilla.
Pjesë nga intervista:
Nikollë Lesi: U more me opozitën, ke qejf ta përqeshësh boll opozitën. Tani në PS, çfarë po ndodh në PS? Ka ndonjë fraksion, se ka disa emra që… Pashë një status të Elisa Spiropalit që ishte thumbues, i shkruar shumë bukur me ChatGPT besoj, se ishte shkruar shumë bukur; Erion Braçe që nuk pranon Ogerta Manastirliun. Po zien kazani?!
Kryeministri Edi Rama: Unë di që Erion Braçja ka qenë ai që është dhe thotë, do mbetet ky që është, këtë di unë. Nuk më duket se ka ndonjë gjë të re në kuptimin që ai ashtu ka qenë, ashtu është, ashtu do jetë dhe ashtu duhet të jetë. Është ekzaktësisht një njeri që është vetvetja dhe s’ka asnjë gjë për tu çuditur. Është vetvetja. Ashtu është ai.
Nikollë Lesi: Bukur fort. U more me Erion Braçen, harrove Elisa Spiropalin.
Kryeministri Edi Rama: S’ka gjë për të shënuar këtu. Çfarë ka?
Nikollë Lesi: Do përjashtohet? Se ajo tha ‘’më përjashto. Më përjashto, më përjashto, më përjashto’’. Domethënë që lutej vetëm ‘’më hiq qafe’’ apo nuk do të përgjigjesh?
Kryeministri Edi Rama: Kush thotë ‘’hajde, këtu më ke, më vrit’’ e thotë ngaqë të do apo jo? Kështu që nuk duhen marrë …
Nikollë Lesi: S’e ka humbur dashurinë për Skënderbeun! (me ironi)
Kryeministri Edi Rama: Jo, jo, nuk duhen marrë literalisht këto gjëra. Janë krejt normale për sa kohë nuk prekin atë vijën e kuqe.
Nikollë Lesi: Vijën e kuqe e ka prekur ajo. Dy vija të kuqe, madje, po nuk don ta thuash. Dy! Dy vija që i ka shkelur, dy vija të kuqe. Madje dëgjova kolegun Martin Leka që tha ‘’e kisha përjashtuar për tre minuta. Po Rama është tolerant- tha ai, jo unë.
Kryeministri Edi Rama: Çdo njeri mund të gabojë. Kush ka dhënë kontribute mund të gabojë dhe herën e dytë, e treta pastaj e ndan.
Nikollë Lesi: Pra Elisa Spiropali ka dhe një vit të kuqe, ndryshe përjashtohet tani.
Kryeministri Edi Rama: Jo, këto i thotë ..këto janë si titujt e “Koha Jone, dikur. Se këtu jemi për Koha Jone si përvjetor, nuk jemi për këto situata doktori, shko te doktori,si titujt e KOHA JONE në kohën e Saliut.