Nga 7 miliardë njerëz në botë, plot 22% – 1.6 miliardë agjërojnë nga lindja e diellit e deri në perëndim. Çdo ditë, për një muaj.
Sot, më 16 maj nis Ramazani, muaj më i shenjtë i kalendarit musliman. Po nëse s’je musliman? Ç’duhet të bësh për të treguar respekt ndaj miqve apo familjarëve që agjërojnë? Minimumi, mund të ndiqni dhjetë këshillat e mëposhtme.
- Mund të hash në sy të dikujt që agjëron
Për 30 ditët në vazhdim, muslimanët nuk do të konsumojnë as ushqim e as pije nga lindja e diellit e deri në perëndim, por kjo s’do të thotë që jeta nuk vazhdon si normalisht.
- Thjesht përpiquni të mos lini një drekë pune
Nëse kolegu juaj musliman refuzon të vijë, tregohuni të kuptueshëm.
- Nuk keni pse agjëroni me miqtë tuaj muslimanë
Mundeni nëse doni të shihni si është, por s’jeni të detyruar edhe nëse marrëdhënia me personin që agjëron është shumë e ngushtë.
Iftar
- Por mund t’u bashkoheni për Iftar
Iftar quhet vakti që konsumohet pasi perëndon dielli. Muslimanët organizojnë darka të mëdha me ndjesi familjare. Mund t’u bashkoheni nëse ju ftojnë apo nëse dëshironi.
- Nuk keni pse informoheni mbi oraret
Ramazani s’është si Krishtlindjet. Ditët dhe oraret zhvendosen dhe lëvizin vazhdimisht, pasi kalendari islamik është hënor. Dita e fillimit varet nga dita kur bie hënë e re. Prandaj datat ndryshojnë nga viti në vit.
- Por jini fleksibël
Nëse një koleg ju kërkon të vijë më herët nesër apo të largohet më herët, përpiquni t’i akomodoni kërkesat e tij.
- Mund të ftoni për kafe miqtë tuaj muslimanë
Edhe pse s’mund të pinë gjë, as ujë. Rëndësi ka të kaloni kohë bashkë, apo jo?
- Por mund t’ju rrinë pak larg
Kur nuk ha asgjë për pjesën më të madhe të ditës, natyrshëm goja mund të mbajë erë.
9-Mund të thoni “Gëzuar Ramazanin”
Është një urim i sjellshëm dhe tregon mirëkuptim.
10-Por mos thoni “duhet të agjëroj dhe unë, të humbas ca kile”
Ramazani s’ka për qëllim rënien në peshë. Madje, Ramazani shkakton obezitet.